Les Pages Jèrriaises

La Pathole 'tait au c'menchement

L'Êvangile sélon Saint Jean, chapitre iun, vèrsets 1 à 14

 

La Pathole 'tait au c'menchement, et la Pathole 'tait auve Dgieu. Et chutte Pathole 'tait Dgieu.

Oulle existait au c'menchement auve Dgieu.

Tout a 'té fait par la Pathole et i' n'y a rein tch'a 'té créé tchi n'a pon 'té créé par Li.

Ch'est en Li tch'était la Vie et la Vie 'tait la leunmiéthe des hoummes.

La leunmiéthe lit dans les ténèbres et les ténèbres né l'ont pon r'chu.

Un houmme tchi s'app'lait Jean fut envyé par Dgieu.

I' vînt coumme lé têmoins d'la leunmiéthe pouor qué par Li tous eûssent fouai.

I' n'tait pon lî-même la leunmiéthe mais i' fut envyé pouor êt' lé têmoins dé chutte leunmiéthe,

Tchi est la vraie et véthitabl'ye leunmiéthe tch'êcliaithit toute pèrsonne quand ou veint dans l'monde.

La leunmiéthe 'tait dans l'monde, et l'monde 'tait créé par Li, mais lé monde né L'a pon r'connu.

Oulle est v'nu parmi ses gens mais san peupl'ye né L'a pon r'chu.

Mais à touos les cheins tchi L'ont accepté Oulle a donné lé drouait d'êt' les êfants dé Dgieu.

Ch'est à dithe, les cheins tch'ont fouai en Li et tchi sont v'nus au monde d'la manniéthe naturelle mais tchi daivent lus vie à la volonté dé Dgieu.

Et la Pathole est dév'nue un humain et a vêtchu parmi nous, remplyie dé grâce et dé véthité et j'avons veu Sa glouaithe.

 

Viyiz étout:

 

Les Pages Jèrriaises