Les Pages Jèrriaises

La Bouonne Nouvelle s'lon Jean

Chapitre 11, vèrsets 45-53

Un tas d'Juis don, tchi 'taient v'nus à Mathie et tch'avaient veu chein qu'Jésû faîthait, criyaient en li. Mais y'en avait tchi lus en fûdrent ès Pharisiens et lus dîdrent chein qu'il avait grée. Les grands prêtres et les Pharisiens don app'lîdrent eune rêunnion du conseil et dîdrent, "Tch'est qu'j'allons faithe? Ch't houmme-là est à faithe des mithacl'yes. S'nou l'laîsse faithe sén êffet d'même, tout l'monde lé craithont et les Romains veindront passecrithe not' siège et not' nâtion." Mais iun dg'ieux, tch'avait nom Caiaphas, lé chein tch'était l'chef prêtre ch't' année-là, lus dit, "Ous êtes des înnouothants! Ou n'comprannez pon qu'j'avons întéthêt qu'un houmme meuthe pouor l'peupl'ye au run d'têmouongni la ravag'gie dé toute la nâtion." Et i' n'dit pon chennechîn en affit, mais en sa bâle, coumme lé chef prêtre dé ch't' année, i' prédit qu'Jésû mouôrrait pouor la nâtion; et pus qu'chenna, pon raîque pouor chutte nâtion-là, mais à seule fîn d'moustrer l's êfants du Bouôn Dgieu chifathés partout l'monde. Dé chu jour-là i' lus entré-pâlaient coumme tchi l'machacrer.
 

Viyiz étout:

 

Les Pages Jèrriaises