Les Pages Jèrriaises

La Nouormandie

Tch'est qu'i' y'a en Nouormandie?
Y'a l's Îles dé la Manche et y'a la Grand' Tèrre.

L's Îles dé la Manche sont Britanniques, mais la Grand' Tèrre est Française. Pouor nous, la Reine est not' Duc - lé Duc dé Nouormandie. Mais la France est eune république.

Lé preunmié Duc dé Nouormandie 'tait Rollon - en 911. Et en 1066 Dgillaume lé Contchérant d'vînt lé Rouai d'Angliétèrre auprès la Batâle dé Hastings.

 

Dgillaume lé Contchérant

La sépultuthe dé Dgillaume lé Contchérant

 

Jèrri a douze pâraîsses - mais la Grand' Tèrre a deux régions et chîn départéments.

Les deux régions sont la Haute Nouormandie et la Bâsse Nouormandie. Rouën est la capitale dé la Haute Nouormandie, et Caën est la capitale dé la Bâsse Nouormandie.

Dans la Haute Nouormandie y'a deux départéments: Seine-Maritime et Eure.

Dans la Bâsse Nouormandie y'a trais départéments: Manche, Calvados et Orne.

Tch'est qu'i' y'a à vaie dans la Grand' Tèrre? Y'a La Tapiss'sie d'Bayeux et l'Mont Saint Miché.

Tch'est qu'i' y'a à mangi dans la Grand' Tèrre? Y'a du fronmage. As-tu mangi du Camembert?

 

L'Assembliée d'Jèrriais

1962

 

Viyiz étout:

 

Les Pages Jèrriaises