|
Les crannes êcliaithies font l'êtchèrre sus l'port; les mâts et mâtants prannent dé l'or du sé; la bâtithie est bâptîsie auve l'or dans un bachîn d'bâptême au bouôn rosé; et à la r'vèrdie tout est sens d'ssus d'ssous: les bliues banniéthes fliottent sus l'fond d'orangyi; la mécannique meûthit sus du bliu v'lous; les crannes envitouent ès bliues bouaîs'sies d'frit. Lé ciel tchiyant pèrdra bétôt s'n orange; lé pourpre veindra remplyi ses vailes dé lueu, et, hors d'êtchèrre, nou ouait les vouaix ès anges chantant d's oranges alléluias ès cieux. Geraint Jennings Caën 19/8/2012 |
Viyiz étout: