|
Ichîn à Chèrbourg nou-s'a haûlîndgi les couleurs des nâtions. Et s'i' vente dû, né v'là tchi mouontre les banniéthes des pays - mais las! la couleu Grècque fliotte sens d'ssous d'ssus! La crouaix en bas, ou fliotte bein à l'envèrs (À côté tout va bein siez l'Australie), mais ch'est-i' eune dêcliathâtion dé dgèrre, dé l'aver si malinnement haûlîndgi? (La couleu Britannique fliotte coumme i' faut, tch'est souvent veue mal pliaîchie sus un mât) Créthêt'-ous eune mêprînse d'ité? Les fos l'ont haûlîndgi, mais auve la crouaix en bas! Les Grècques, ieux, sont mârris coumme des Nouormands d'vaie lus couleu mêfaite en Nouormandie. Si les cheins d'Chèrbourg veulent faithe sèrvi l'vent, Mêfi'-ous d'la couleu avant d'haûlîndgi! Geraint Jennings Chèrbourg, Août 2002 |
Viyiz étout: