Les Pages Jèrriaises

La capitale d'la langue Nouormande

La capitale d'la langue Nouormande
grée par les bâtisseurs ès scrits,
scâfés et s'côrtés dans la grande
rue, procliâmés au grand publyi;

nou-s'en vait les tours tch'êpèrlûthent,
les templ'yes tch'empl'yent les livres dé menneties,
les remparts littéthaithes et muth-
-âles tch'embârrent les rêsèrveurs s'tchis.

Et ches palais d'la bouoche, la tou
dé tchi la veue aveugl'ye mén yi,
lé canné d'patholes tch'envitouent
un dictionnaithe enmuthailli...

Et nou s'pathanne dans ses av'nues,
ses ruettes enhèrnichies d'rînmes rouies,
d'sonnets pons'leurs et vèrmoulus,
pitchis des vèrs, d'vèrsets grugis.

I' lus êcappent d'la capitale,
ches patholes dêpensées et d'vis,
tandi qu'ses cathédrales êgal-
uent les ouothelles d'la Nouormandie.

Geraint Jennings
 

Viyiz étout:

 

Les Pages Jèrriaises