Et l'matîn quand i' r'vénait en ville, il eut faim,

et ayant veu un cèrtain fidgi par lé c'mîn, il allit à li, mais i' n'trouvit rein excepté des fielles et i' li dit: "Qu'i' n'y'ait janmais pus d'frits sus té!", et d'un co lé fidgi s'êmortit.

Et les discipl'yes vîtent chenna et i' fûtent êtonnés, et i' dîtent: "Comment qu'lé fidgi s'êmortit?"

Et Jésû lus rêponnit: "Véthe, j'vos l'dis, s'ous avez d'la fouai et s'ou n'avez pon d'doute, ou pouôrrez faithe chein tch'a 'té fait au fidgi étout, et même s'ou dithez à chutte montangne: "Lèv'-té et pique-té dans la mé!" - chenna s'sa fait étout,

et tout chein qu'ou d'mandez en priéthe auve la fouai, ou l'èrchév'thez."

Lé matîn, coumme i' 'tait en èrv'nant en ville, il avait faim. Et, êpiant un fidgi au bord du c'mîn, i' s'n appréchit, mais trouvit raîque des fielles dessus. Et i' lî dit, "Qu'tu n'èrporte d'aut' janmais d'frit, té!" Et l'fidgi s'tchit d'un ambron.

Quand les discipl'yes vîdrent chenna, i' fûdrent divèrsément ravis et dîdrent, "Coumme tchi qu'chu fidgi-là s'tchit d'un ambron?"

Et Jésû lus rêponnit, "Véthe, jé vos l'dis, s'ous avez assez d'fouai, sans doutanches, ou pouôrrez faithe pon raîque chein tch'a 'té fait à chu fidgi-chîn, mais même s'ou dithez à chutte montangne-là, 'Dêfique-té et flianque-té dans la mé!', v'là tchi s'sa fait. Et autcheune chose qu'ou d'mand'dez dans vos priéthes, ou l'èrchévthez s'ous avez la fouai."