Épis Jésû dit au monde et à ses discipl'yes, "L's êcrivains et les Pharisiens ont l'autorité d'Moïse. Tout chein don qu'i' vos c'mandent dé faithe, faites-lé fidèlement; mais n'copiez pon chein qu'i' font, ieux. Ch'est en tchi i' dithent sans faithe. Il' endueurchissent les louais et chèrgent les hoummes atout lus suffat, mais i' n'lèvent pon un dé pouor alligi."

 

Là-d'ssus Jésû pâlit au peupl'ye et à ses discipl'yes, et i' lus dit: "Les êcrivains et les Pharisiens sont jutchis dans la tchaîthe dé Moïse. Gardez don et faites tout chein qu'i' vos dithent; mais n'faites pon chein qu'i' font, car i' dithent chein qu'il est d'mêtchi d'faithe et i' n'lé font pon. Ch'est en tchi il' amathent des b'santes et însténabl'yes chèrges et les pliaichent sus l's êpaûles ds hoummes, mais i' n'veulent pon les r'muer du but du det."

 

Né v'là pouortchi qué j'vos envyie des prophètes et d's avisés et d's êcrivains: tchiqu's'uns d'entré ieux ou tueûthez et cliouethez à la crouaix et tchiqu's'uns d'entré ieux ous astiqu'thez dans vos sŷnnagogues et les pourchass'sez d'velle en ville. Et d'chutte manniéthe lé sang dé touos les justes sus la tèrre s'sa vèrsé sus vous, du sang du juste Abel au sang d'Zécharie fis Barachie qu'ou tuîdres entre lé Templ'ye et l'auté.

 

Né v'là pouortchi qué j'm'en vais vos envyer des prophètes, des sages et d's êcrivains, et ou tueûthez l's iuns, ou cliouethez l's aut's, ous en fouôt'tez d'aut's dans vos sŷnnagogues, et ou les pèrsétchut'tez d'ville en ville. À seule fîn qu'tout l'sang înnouothant tch'a 'té vèrsé sus la tèrre èrtchait sus vous, d'pis l'sang d'Abel lé juste jusqu'au sans d'Zécharie fis Barachie, qu'ous avez tué entre lé Templ'ye et l'auté.