Et i' fûdrent dgèrnis dans un rêve qu'i' n'dévthaient pon raller siez Hérode et don i' r'vîndrent dans lus pays par un aut' c'mîn.

Quand i' 'taient hors, év'chîn un ange du Seigneu tch'appathut dans un rêve à Joseph et lî dit: Lève-té! Prans lé p'tchiot et sa méthe et fi en Êgypte. D'meuthe là-bas mais qué j'té diche car Hérode est pouor qu'si l'mousse à seule fîn d'lé tuer.

Et i' sé l'vit, i' prînt lé p'tchiot et sa méthe et s'en fut en Êgypte. I' d'meuthit là jusqu'à la mort d'Hérode, et ainchîn s'accomplyit la prophétie du Seigneu: "J'ai app'lé man fis hors d'Êgypte."

Quand Hérode réalisit qu'les Mages l'avaient tritchi, i' fut divèrsément mârri. Il envyit ses soudards hors à seule fîn d'machacrer touos les p'tits garçons d'Bethéhem et du vaîthinné, les cheins d'deux ans et en d'ssous, car il avait tchestchionné les Mages bein souongneusement entouor la date.

I' r'chûdrent dans un rêve un avèrti dé n'pon r'aller siez Hérode, et par cause dé chenna i' prîndrent un difféthent c'mîn pouor rentrer dans lus pays. Auprès lus dêpart, un m'sagi du Seigneu geuthit dans un rêve à Joseph et dit, "Dêhale-té, prends l'mousse et sa méthe, et happe la pathe en Êgypte, et d'meuthe là-bas entréchîn qu'j't'èrpâle. Ch'est en tchi Hérode est pouor chèrchi pouor l'mousse à seule fîn dé l'machacrer." Joseph don s'dêhalit acanté l'mousse et sa méthe duthant la niet et s'en fut en Êgypte, et d'meuthit là-bas entréchîn la mort d'Hérode. Chennechîn 'tait l'adgèvement d'la pathole du Seigneu par l'prophète, "J'ai app'lé man fis hors d'l'Êgypte."

Quand Hérode réalîsit qu'les avisés li'avaient joué un tou, i' fut f'lé et env'yit machacrer touos les mousses dans l'vaîthinné d'Béthléhem tch'avaient dans les deux ans ou mains, s'lon la date qu'il avait apprîns d's avisés. V'là tchi fut l'adgèvement d'la pathole tch'avait 'té prêchie par l'mouoyen du prophète Jérémie.