|
Garçons fis de vrais Jèrriais, Est-che qu'ou n'ouiez pas tchiquefais, D'avau les années la vouaix, D'anchêtres fameurs; Qui tchittîtes lus p'tit Jèrri, Pour aller à l'êtrangi, Fidêles à lus île et lî portant honneur. Fièrs qu'ils étaient Jèrriais, Fièrs des noms qu'i' portaient, Se distîngeant dans la carriéthe de lus chouaix; Grands Juges, matelots ou docteurs, Soudards ou Ambassadeurs, J'gardéthons lus mémouéthe auv' nous à janmais. Au liain dans touos ches payis, Ou'est le solé trèjous lîs, I' pensaient auv' bein d'l'envie, A lus Jèrri; Ses plyies si douoches du r'nouvé, Brizes fraîches qui veinnent de la mé, Louangez les bieauté de chu coin d'terre béni. Auvec l'èsprit d'avantuthe, Qui nos veint tous de natuthe, Ils enfachaient eune vie duthe Auvec hardieche; Dans l's Indes ou en Améthique, Australie ou bein l'Afrique, Ous y' trouv'thez lus d'scendants n'importe la pliaiche. ALP |
Viyiz étout: