Les Pages Jèrriaises

Not'e P'tit Pays

Jèrrhyiais! j'sommes tous garçons rêjouis,
A'g'nièh: d'être ichin appréchis,
Chât'chun d'nous, sans doute, est bein f'yié
D'vais, q'lé vièrrh Jerrhyiais vi èqué.
Q'not é p'tite ile n'est pas oubliyiêh
Quoïq'la Corbièthe a 'taih passêh.
Car ouê, q'nou peut trouvé dites-mé
Un q'climat qui sait fort pus bé,
Q'not'e p'tit pays dé fruit èt d'f'yieurs.
I'l'y'en a, bouanes gens, dé pièthes ailleurs
J'sommes tous, j'sis seux bein orgiyieurs
Dé vais ichin not'e vieille couleur
La couleur qui dans l'Vièrrh Marchi
PEIRSON! avec sa vie d'fendi.
Si j'liêsons l'Histoithe des vièrrhs temps
J'vous pâle, dé y'a pus d'sept chents ans
J'trouvons m's'amis lé nom dé Wace
Un poète dé la bouanne vieille race
Les noms ètout des Dé Carrtrêhs
Ét d'Falle, né sont pas oubliyïêhs
D'not'e temps, i'l'y'a pas yieu femme pus belle
Q'yunne dé nos charmantes démoiselles
J'avons tous ouï, les noms d'Millais
D'Ouless, d'Sohier, èt d'autres Jèrrhyiais
Tout l'monde ont ouï pâlé d'nos vacques
D'nos longs trous d'chours, d'nos belles patates
D'nos b'yeaux navithes des bouans vièrrhs temps
D'nos jours - hélas! nou peut faithe sans.
Dé not'e nièrrh beurre, èt d'nos mèrrhvëilles
De not'e bouan doux cidre en boutëille
D'not'e soupe d'and'gulle, d'nos corsèths d'oeuvre
D'nos creux fantômes, dé nos grosses peuvres
D'not'e yieau d'Colangne, èt d'nos piyiannes
Èt d'nos p'tites ruëhttes, dans la campagne
D'nos h'îtres d'Gouorrèh, èt d'nos ormèrrhs
D'nos crabes gréjaises, qui marche d'travèrrhs
Dé not'e bouanne pièrrh, d'not'e Vièrrh Châté.
A ceissé pour la prum'yié fëis
A Londres, j'avons l'dîné Jèrrhyiais
Une p'tite bouochie j'vénons d'mangi
Q'bouanne dijestion suive l'appétit
Et comme dit Shakespeare meis t'avis
J'sommes tous "rêjouis d'vot'e compagnie"
Comme men p'tit discours est fini
Faut espéthé qué j'allons ouï
Trëis Houras - pour NOT'E P'TIT PAYS.

John Lock 1893

 

Viyiz étout:

 

Les Pages Jèrriaises