Èrfrain:

Car les rues sont paveés d'grannit, si âpre et propre,
Des racachies d'hardelles châque jour lus paradent,
Eune belle brave Milice nos ennemîns calengent,
Ch'est ichîn qué craîssons les caboches dgiex pids d'haut.
Dgiex pids d'haut garçons, dgiex pids d'haut -
Ch'est ichîn qué j'craîssons les caboches dgiex pids d'haut.

J'avons un marchi d'paîsson, un bieau marchi d'viande,
Un marchi dé fruit, d'vèrduthe et dé belles flieurs.
J'avons d'si belles promenades et dé si belles veues,
Et l'air est si doux et tellement sain,
Des douzaines dé bijout'ties pliénnes d'argent et d'or
Toutes bouaissons, couongnac, vîns, cigares,
Châque lèrmîn, ravigote les esprits,
Ch'est eune vie si paisibl'ye, j' m'en vais y rester.

Èrfrain:

Car les rues sont paveés d'grannit, si âpre et propre,
Des racachies d'hardelles châque jour lus paradent,
Eune belle brave Milice nos ennemîns calengent,
Ch'est ichîn qué craîssons les caboches dgiex pids d'haut.
Dgiex pids d'haut garçons, dgiex pids d'haut -
Ch'est ichîn qué j'craîssons les caboches dgiex pids d'haut.

Les patates Royales et tomates si douoches
Sont èrconnues pour lus amidget,
La vaque Jèrriaise auve san lait si doux.
Et les finnances sont fanmeuses partout l'monde.
Travèrsez l'monde dé l'Êst jusqu'au Ouêst,
Tèrre Neuve, Londres, l'Afrique, Japon ou Paris,
Et j'vos guarantie qu'ou r'touônn'rez vite
Chèrchi vos raichinnes, oui, en Jèrri.

Èrfrain:

Car les rues sont paveés d'grannit, si âpre et propre,
Des racachies d'hardelles châque jour lus paradent,
Eune belle brave Milice nos ennemîns calengent,
Ch'est ichîn qué craîssons les caboches dgiex pids d'haut.
Dgiex pids d'haut garçons, dgiex pids d'haut -
Ch'est ichîn qué j'craîssons les caboches dgiex pids d'haut.