AIR: - Ye banks and braes of bonnie Doon.
Fossés, côtils de nos vallons,
Comment pouvous flleurir si biaux?
Comment de vos chansons,
Vnin m'afflligi, petits ouaisiaux?
Tu m'fendras l'coeu, petit chanteux,
En me faisant souvnin d'la jouaie
De jours qu'étaient pour me heureux,
De jours qui ne rveindront jamais.
Combein de fais en mè promnant,
J'ai veu flleurir chuchet et rose:
Des ouaisiaux l'amour était l'chant,
Et me je chantais même chose:
Le coeu rêjoui, j'cuillis une rose,
Toute fraiche parmi ses piquets;
Et man galant volit la rose,
Mais i men laissit les piquets.