|
Quand Jèrri géthit l'bouon avo dé l'avanteu dé not' bliue mé v'là tchi 'tait la charte dé l'îlot et d's anges lus d'mentaient d'en chanter: Va, Césathée! Fai vaile, not' Césathée! Vivons tréjous en libèrté! Ès pays mains paisibl'yes qué té y'a du hèrtchîn, du disteurbé, mais tu'es prospéthe et libéthé: partout l'monde entchi admithé. Va, Césathée! Fai vaile, not' Césathée! Vivons tréjous en libèrté! Ouaithe qu'nou t'capuche à tigue dé corps, tu saitha enfachi l'dangi; et même l'ôrage té f'tha pus fort, radouochitha tan chièr pommyi. Va, Césathée! Fai vaile, not' Césathée! Vivons tréjous en libèrté! Tu t'en moqu'thas des grands pouvièrs tchi n'éthont pon sus té d'victouaithe; tan sort est mèrtchi ès rotchièrs: pouor té - lé mus, pouor ieux - lé piéthe. Va, Césathée! Fai vaile, not' Césathée! Vivons tréjous en libèrté! À té les côtis et les clios; en Ville, les pièches et les pavés; lé tou des côtes, les creux et dros, les mielles et les grèves - touos à té. Va, Césathée! Fai vaile, not' Césathée! Vivons tréjous en libèrté! Nou veindra bein heutheux en ch't' Île: nou n'trouv'tha pon eune île pathelle, des bouôns esprits en pacotile, des bieaux hardgieaux et belles hardelles. Va, Césathée! Fai vaile, not' Césathée! Vivons tréjous en libèrté! |
Viyiz étout: