|
À ces sé ch'est la Séthée d'Burns: j'soummes en bouaisson et hors les bornes, nou bait, nou brait, nou balivèrne en contant des bliues et des bouonnes... Coumme à la breune dé niet j'brouons du brueûtîn, et l'fronmy en fliambe: j'faîthons du flianné, j'nos en bèrne des cheins tchi n'baivent ni fout' ni bran... En contant des bliues et des bouonnes, j'soummes en bouaisson et hors les bornes à ces sé, ch'est la Séthée d'Burns: nou bait, nou brait, nou balivèrne... Quand tu'éthas hèrchi ma brîseûthe, tu'en saithas mus, au mains un brîn: la rueûthie l'travèrs d'la bruëthe né f'tha pon d'bein - j'nos abrévons... Nou bait, nou brait, nou balivèrne en contant des bliues et des bouonnes: à ces sé ch'est la Séthée d'Burns, j'soummes en bouaisson et hors les bornes... Ès cheins tchi brîngent eune bouonne boutée, tchi gângnent dé l'or, d'l'argent, du bronze: lus j'vaux volent - l's ânes vont mus bâtés - et j'soummes brînguesîngues pouor l'amour d'Burns... J'soummes en bouaisson et hors les bornes: en contant des bliues et des bouonnes, nou bait, nou brait, nou balivèrne à ces sé - ch'est la Séthée d'Burns...
|
Viyiz étout: