|
Lé nom paîsibl'ye d'eune Île d'espé Couort sus les mielles et les côtis; San r'nom monte haut coumme la mathée, Sa glouaithe enduthe coumme san grannit. Jèrri, Jèrri, not' chièr îlot: Dé La Corbiéthe au Creux du Vis, Des Mîntchièrs jusqu'en Êcrého, Nou ouait dans l'vent lé nom d'Jèrri. Ch'est not' rotchi d'la libèrté: Du Vièr Châté au Vièr Marchi, Des Landes au Châté Lîzabé, J'èrchant'tons touos lé nom d'Jèrri. La brîsette sûffl'ye par nos fôssés; Souos châque pommyi, ou pâle dé paix, D'un peupl'ye prospéthe et libéthé, Enréchinné fort coumme un bouais. Jèrri, Jèrri, not' chièr îlot: Dé La Corbiéthe au Creux du Vis, Des Mîntchièrs jusqu'en Êcrého, Nou ouait dans l'vent lé nom d'Jèrri. Ch'est not' rotchi d'la libèrté: Du Vièr Châté au Vièr Marchi, Des Landes au Châté Lîzabé, J'èrchant'tons touos lé nom d'Jèrri. Ès vaux et baies, ès clios et c'mîns, Amont les monts, par sus la sîl'ye, Ensolilyie ou dans l'hathîn, La natuthe chante l'ordgi d'not' Île. Jèrri, Jèrri, not' chièr îlot: Dé La Corbiéthe au Creux du Vis, Des Mîntchièrs jusqu'en Êcrého, Nou ouait dans l'vent lé nom d'Jèrri. Ch'est not' rotchi d'la libèrté: Du Vièr Châté au Vièr Marchi, Des Landes au Châté Lîzabé, Chantons tréjous lé chant d'Jèrri! Lé chant d'Jèrri! Geraint Jennings |
Viyiz étout:
