Chanson sus l'air :
"Cabbages Ten Feet High"
|
Il existe un p'tit coin ernommé partout l'monde, Ou est qu'les Rouais d' Anglieterre ont attêrri I'n'y a autchun pays qui peut fourni s'n êgal Car dans tout l'univers n'y a qu'un Jêrri; Ch'n'est pas êtonnant si notre petite île Fait envie à tout êtrangi, Que che sait la campagne ou notre magnifique ville Jamais je n'cessons de les louangi.
Nos maisons sont bâties avec du biau granit,
Je sommes ernommés pour la biauté d'nos filles,
Nos maisons sont bâties avec du biau granit,
Notre bouanne soupe d'andgule et nos fameuses mervelles
Nos maisons sont bâties avec du biau granit,
Pour les gens d'Anglieterre j'fournissons des patates
Nos maisons sont bâties avec du biau granit,
|
Vèrsion modèrnîsée:
|
Il existe un p'tit coin èrnommé partout l'monde, Où'est qu'les Rouais d'Angliétèrre ont attèrri. I' n'y a autchun pays tchi peut fourni s'n êga, Car dans tout l'unnivèrs n'y'a qu'un Jèrri; Ch'n'est pas êtonnant si not' pétite île Fait envie à tout êtrangi, Qué ché sait la campangne ou not' mangnifique Ville, Janmais jé n'cêssons dé les louangi. Nos maîsons sont bâties auvec du bieau grannit, Et ch'est ichîn qu'à longs jours lé solé lit. Quant à des belles èrcoltes, i' faut aller dans nos clios, Si ch'est qu'ou voulez vaie des chours dgiêx pids d'haut. Dgiêx pids d'haut, mes garçons, dgiêx pids d'haut... N'y a qu'nous tchi pouvons craît' des chours dgiêx pids d'haut! Jé sommes èrnommés pour la bieauté d'nos fil'yes, Ah, tch'est qu'ôs'sait prétend' qué ch'est l'contraithe? Eune rangie d'belles maîsons sus la route de chîn milles, Sans pâler d's alentours dé La Corbiéthe, Et châque saîson les vîsiteurs veinnent Pouor pâsser lus vacanches parmi nous; I' s'exposent au solé pouor sé rôti la couenne, Et s'promènent quâsi nus comme des Zoulous. Nos maîsons sont bâties auvec du bieau grannit, Et ch'est ichîn qu'à longs jours lé solé lit. Quant à des belles èrcoltes, i' faut aller dans nos clios, Si ch'est qu'ou voulez vaie des chours dgiêx pids d'haut. Dgiêx pids d'haut, mes garçons, dgiêx pids d'haut... N'y a qu'nous tchi pouvons craît' des chours dgiêx pids d'haut! Not' bouonne soupe d'andgulle et nos fanmeuses mèrvelles Sont louangies par les cheins tch'en ont gouôté, Car nulle part ailleurs ou n'en trouv'thez d'itelles; Nou peut dithe la même chose dé not' pâté. J'faîsons des danmplinnes et des bourdélots, D'la gâche à crétons pouor la maîson, Des galettes à vrai pouor les hommes dans les clios Quand i' sont à la tchéthue dans la saîson. Nos maîsons sont bâties auvec du bieau grannit, Et ch'est ichîn qu'à longs jours lé solé lit. Quant à des belles èrcoltes, i' faut aller dans nos clios, Si ch'est qu'ou voulez vaie des chours dgiêx pids d'haut. Dgiêx pids d'haut, mes garçons, dgiêx pids d'haut... N'y a qu'nous tchi pouvons craît' des chours dgiêx pids d'haut! Pouor les gens d'Angliétèrre j'fournissons des patates Bein miyeuthes qu'i' n'peuvent trouver par ailleurs, Du supèrbe vèrjus et eune mâsse dé tonmates, Des frits dé toutes sortes et des tas d'flieurs. S'ou voulez pêtchi un fricot d'paîsson, Ous en trouv'thez tout pliein à bâsse-ieau, Des crabes, des honmards, des baînis, du lanchon, D'la chèrvette et du vra et des manchots. Nos maîsons sont bâties auvec du bieau grannit, Et ch'est ichîn qu'à longs jours lé solé lit. Quant à des belles èrcoltes, i' faut aller dans nos clios, Si ch'est qu'ou voulez vaie des chours dgiêx pids d'haut. Dgiêx pids d'haut, mes garçons, dgiêx pids d'haut... N'y a qu'nous tchi pouvons craît' des chours dgiêx pids d'haut! |
Viyiz étout: