Les Pages Jèrriaises

D'vièrs mînniet

Dans eune bliâse dé syllabes, i' brousse des mots;
lé c'mîn est nièrchi dé vèrsets,
et l'encriyi renvèrtchi vèrse acouo.
I' tchait d'la poésie à ces sé.

Mouoillies d'advèrbes et mucres coumme tes mémouaithes,
mes vèrbes dé v'lous sont blius d'mînniet,
et souos la plyie, la rue est m'n êcritouaithe,
lé cliai d'la leune - man blianc fieillet.

Si ch'est qu'i' brousse, tes patholes n'ont pon s'tchi;
tes muthâles et murmuthes sont liues.
Les langues sont néthes, les adjectifs sont rouis,
les rînmes sont rabdachis dé clius.


Geraint Jennings
6/10/2005 - La Journée d'la Poésie

 

Viyiz étout:

 

Les Pages Jèrriaises