Les Pages Jèrriaises

Redonde

À la brîs'sie, j'îthons atout bree,
tchoeuthus et entchéthinnés; not' cree
êcal'la l'brîseux. J'bêqu'thons not' graih,
sém'thons à la gliaine dans not' clios d'cree,
des brîns et buts tchi prendront lé bree.

Tcheins ma tchéthue à brîsi, man cree.
J's'sai abrié dans eune galenie d'graih.
Tes dés happ'thont. Mais qu'j'en happe lé bree,
jé t'graiethai dans chutte cliôsée-chîn d'graih,
crouaîsie atout raîque des raies d'not' cree.

Mais qu'tu'aie hèrchi ma brîseûthe, tan graih
d'engrais f'tha craître en mé t'n avoût d'bree.
J'èrgardéthai la crututhe du cree,
en siêthant la tchéthueûthie d'un bree;
j'y r'brîs'sons pouor la touônn'nie en graih.

 

Eune "redonde" est eune poésie dans tchi qu'les mots à la fîn des lîngnes trique-pâssent s'lon un patron dêtèrminné. Y'a trais vèrsets d'chîn lîngnes, et les mots-cliés sont arreunés coumme chennechîn:

12321
23132
31213


Jacques Jouet, auteu Français, composit des "redondes" en faîthant sèrvi des chouaix d'trais mots proposés par d'aut' auteurs dé difféthentes langues. Ses "redondes" sont en Français, mais auve iun des trais mots proposés à la fîn d'châque lîngne s'lon les règl'yes d'la "redonde".

Nou d'mandit à l'anmîn Adrian Cain dé l'Île dé Man d'nos proposer trais mots en Manx. Et né v'chîn eune "redonde" en Jèrriais en faîthant sèrvi les trais mots Manx:

Manx:

 

Viyiz étout:

 

Les Pages Jèrriaises