Les Pages Jèrriaises

La Journée Ûropéenne des Langues 2018

Les patholes pèrchent les ouothelles à l'assinne;
les mots lus muchent driéthe les muscl'yes et nèrs;
lé solé lit et lique les langues ouoillinnes:
j'prêchons du pâlîn nouvieau-né ès vièrs.

Ès jannes, jé d'visons coumme au temps d'Âdam;
not' héthitage est hardi lîndgistique;
et si les creux d'la mémouaithe sont avants,
ch'est qu'nou-s'y puche dé la prêchâle tchi pique,

et l'assinne du langage lit pouor touos nous:
j'avons l'solé à la bouoche êcliaithie -
j'engaûmons des mots mouaîsis sans mêgoût,
j'les ouïyons même atout l's ouothelles pèrchies.

Geraint Jennings


 

Viyiz étout:

 

Les Pages Jèrriaises