|
Lé tou d'sa tâle, par un entré-deux j'êpyie ses landes par sus un talustre et j'foucenote dans la vèrduthe du geon. Y'a des pitchets; j'pique par sus l'talustre; j'tâtonne man c'mîn avaû s'n entré-deux. Ch'est eune batâle dé flieurs au talustre: la muthâle flieuthie enfachie d'geon; lé bâton veint remplyi l'entré-deux; ses réchinnes veinnent pus avant qu'lé geon, entrétant les louêmes battent lé talustre. L'êcliatchîn d'jaune sang; sans chu geon enfachant l'pîngnon, sans s'n entré-deux, eune geônniéthe dé mé saûsse lé talustre; eune fûtâl'lie s'trînmousse. M'n entré-deux s'touôle atout deux fais la fraîcheu d'geon. Geraint Jennings |
Eune "redonde" est eune poésie dans tchi qu'les mots à la fîn des lîngnes trique-pâssent s'lon un patron dêtèrminné. Y'a trais vèrsets d'chîn lîngnes, et les mots-cliés sont arreunés coumme chennechîn:
Viyiz étout:
12321
23132
31213