Man pouorre J.-P.
Tch'est don qu'tu fais?
Ou'est qu'tu tcheins dernièthement?
Té qui soulais,
Sus mille sujets,
Ecrithe si librement?

Té qu'est cynique
Et sarcastique
Tu n'donnes pus signe de vie!
Et la Nouvelle
Pathaît toute vieille
Manque d'un bu d'poésie!

S'sais-tu à sècq
Pis qu'ch'est l'êtè?
Nou n'ouait pus pâler d'té.
Mais toute chutte plyie
Tait bein muoillie
Tu devthais dêbordé!

Allons garçon
Chuche tan crayon,
Gratte ta tête et t'y mèt,
Mais j'ten supplie
Qu'ta poésie
Vaille mus qu'man pouorre sonnèt.

X.
1905