Les Pages Jèrriaises

La Journée d'la Poésie 2016

J'pînche souos ta couvèrtuthe des vèrtes patholes à craît',
et souos tes pages breunies, j'touônne tes fieillets dèrché;
des rînmes veinnent voltilyi lé travèrs dé tes f'nêt's;
j'touche tes voleunmes en v'lous, fielletées et liues au liet.

Tu dêmuche ma vèrduthe, mes mots meurdris en vithent
et souos mes m'sages heunés tu dêfouis m'n anichette;
par châque fénêt', châque us, les mots soûffl'yent qué j'en r'lithe
pouor tan pliaîthi d'patholes êmutionnées en miettes.

J'nos touônnons dans not' liet en c'menchant chu chapitre,
châque lîngne - eune touche d'la tigue, eune tressâl'lie d'la fielle;
si j'té dêcouvre - tu heunme; si j't'atchil'ye - tu m'achître,
offrant des dés d'ité au ras d'patholes pathelles.

Geraint Jennings

 

Viyiz étout:

 

Les Pages Jèrriaises