Redonde

Nou bartouamme des louêmes au lis d'Bertègn;
l'tou du Nic ès Tchians, des greunes dé graih
font rigdonner l'tchoeu d'la mé, nike,
et embèrtchis sus un baté d'graih,
j'vail'lons d'bort' en aut' au liain d'Bertègn.

Nou graiethait bein eune frégade dé graih,
chèrgie d'bouonnes niétchies agu'nées d'nike
et bein-gn-adret bat'lées en Bertègn.
Toute la niet j'quénons les c'mîns nike
à l'entou des Caînes, ches d'grés à graih,

et j'boul'lons ès louêmes êqu'nées, nike.
Sus ches mathées j's'sons bèrchis. Bertègn,
Dgibrâltar, Mann hâvréthont not' graih.
À dgi l'adèrt dèrché en Bertègn,
à not' bouôn gré, y'a du bouon, nike.

Eune "redonde" est eune poésie dans tchi qu'les mots à la fîn des lîngnes trique-pâssent s'lon un patron dêtèrminné. Y'a trais vèrsets d'chîn lîngnes, et les mots-cliés sont arreunés coumme chennechîn:

12321
23132
31213

Jacques Jouet, auteu Français, composit des "redondes" en faîthant sèrvi des chouaix d'trais mots proposés par d'aut' auteurs dé difféthentes langues. Ses "redondes" sont en Français, mais auve iun des trais mots proposés à la fîn d'châque lîngne s'lon les règl'yes d'la "redonde".

Nou d'mandit à Llanito Llanito d'Dgibrâltar, à l'anmîn Fabien Lécuyer du Pays Gallo, et à l'anmîn Adrian Cain dé l'Île dé Man d'nos proposer trais mots. Et né v'chîn eune "redonde" en Jèrriais en faîthant sèrvi trais mots en Manx, Llanito, et Gallo.

Gallo: