Les Pages Jèrriaises

La Pathol'lie

Les rînmeurs flianquent lus flianné à la frouque;
i' piquent lus poésies en jouant ès tchil'yes
à seule fîn d'rouôler l'audienche dé chouques,
qu'i' les faichent dormi ou qu'i' les rêvil'yent.

Parmi les chuchot'rêsses et les bueûleurs,
y'a touos les sons dé consonnes et d'vouaiyelles,
des murmuthes, brais, ronnais, épis des teurs,
des cliamuses, clyîns dg'yi et côn'nies d'ouothelles.

Pouor fouôt' bas tout chein qu'nou-s'a espéthé
il' ôsent dêliéthe les règl'yes pouor en gângni;
i' jouent ès tchil'yes en fliantchant lus flianné,
i' piquent lus poésies à la Pathol'lie.


Geraint Jennings

 

Viyiz étout:

 

Les Pages Jèrriaises