Les Pages Jèrriaises

Les Élections


Tchi funne Mardi,
Sus l'Vier Marchi,
A vais les band',
L'tais touos trempais;
My good tchi braies -
Et pis la Van!

Y'un qui pompait,
Yiaue qu'esclliatché,
Dans tchi'l êtat;
Y'un qui chantait,
L'aut' qui juthait -
Lâs! tchi combat.

Les candidats
Fîd' bein des pas
Dans Halkett Place;
Durell surtout,
Le Sueur étout.
Et bein plleins d'graisse.

Le couosin R'non,
Je'n le vit pon,
Ni Mess Bossi,
Je r'gardi bein,
Mais j'n'en vit rein,
Qui m'fit mârri.

J'mens fut voté,
Et chté Mess Noé
Qui prîns man nom;
J'voti pour trais,
Que'je connaissais,
Mais y'un n'yest pon.

J'espèthe qu'acheteu,
Qu'ou' z'êtes dans l'jeu,
Qu'ou travâil'lais
Pour accomplli
Ch'qu'ou' z'avez dit
Dans l'Assembllaie.

Chest tout fini,
Anniet, Samedi,
Bein trantchillleman,
Les trais gagnants
Sont dans lus banc
A prendre sèrment.

 

Le Couosin Jean
Nouvelle Chronique de Jersey 21/12/1889

 

Viyiz étout:

 

Les Pages Jèrriaises