Mousieu l'Éditeu
|
Ah! perd'yi Ch'tait Mardi Qu'Djô Biampi Fut slingui. I' s'démuait Il allait, I' marchait, I' saoutait I' dansait I' pâlait Il app'lait, I' gronnait, I' grignait (!) I' n'savait Qui fêzait I' l'pouvait, I' perdait. - En un mot Il 'tait fo! I' avait d'qui Ah! perd'yi S'ou saviais C'hest Flip Née, Par deux fais, Qui battit Djô Biampi. Le bâton Man garçon Ne veur pon D'cornichon I' ra ben A la main Qui lé tient Et lé r'tient Mes bouan' gens Pour trais ans Mais tout d'bon Qui lichon Tam' Fala Etait là I' r'gardait Et pis riait Dé vais Djô Si dispô Iun criait (Ch'la est vrai) Sacrébleu C'hest man n'veu Qu'est l'miyeu Et parbleu Votais tous Vit' pour nous. Les pendard' De gaillard' Ne fiz pon Non de non Ch'qui d'mandait Et voulait. Dem'nébleu: Car san n'veu Vèz' perd'yi Fut slingui! Et l'baloqu', Grân pend'lôqu' De Hueûlin (Béqu'ès-Cas) N'manqui pas D'faize jaguin, Ov sa lip Au p'tit Flip. Mais aussin C'hest ch'tichin Pien de rage, Séménage, Qui yézait, S'il avait Vèz ôzait Pis piumait La frip'sie Com' la pie! Ah! perd'yi Qui bouân ji! Rêviyon, Câriyon; Car deux fais, Chest Flip Née Qui slingui Djô Biampi!!! |
Un St. Jeannais
La Voix des Îles 22/11/1873
Viyiz étout: