|
I' yavait quatre John qu'éthaient aimèt la 'job', De la Trin'tèt, être Connêtabble, Mais lé prémi, sa fâmme né voulit pas Qu'il entréprint un tel embarras. Le daeuxième dit tchi d'mèuthait trop yien, Dans un pays - êgyptien. Lé préchain avait paeux dé né pouvait pas D'visé assèz bein dans l'zèstâts; Et pis i' voulait être pus libre, Pour aidji à Jack à faithe du cidre. Lé quatrieme veur être Député D'vant Connêtabble accepté. Daeux Charles ètout éthaient aimèt A êtes Connêtabble de la Trin'têt. Mais l'prémi dit qu'il est trop vi Et l'êcole tait trop yien d'sièz li. Le daeuxième avait paeux dé trop s'mârri Quand tchiques zuns l'éthaient êtibotchi. I' n'yeut qué Fraînque tchi print d'bouan tcheu Quand nou yoffrit chu grand honneu, Car d'pis qu'il avait, d'unne manièthe habille, Pour quatorze ans, dirigi les fo's à l'âsile; Ch'est bein saeux qui pouorra s'y grès, À dirigi les bouan vièrs Trin'tais. Et il a un avantage, mes bouannes gens, Car il est jeune sus pus d'un sens. Et j'l'î s'houète toute prospéthitèt A la 'job' qu'il a acceptèt! Caouain 16/11/1911 |
Viyiz étout: