Tchi temps qu'j'avons aniet? - What's the weather going to be like today?
Lé temps en Jèrriais - The weather in Jèrriais
I' fait fraid aniet
Y'a eune fraiduthe dans l'temps ches jours
Lé temps est gelif
Y'a d'la fraid dans l'temps
La plyie a rabattu la fraid
Nou dit qué quand y'a hardi d'hagues au Stembre ch'est sîngne d'un Hivé fraid
I' fait caud aniet
I' fait grand caud aniet
Tchi grande caleu ch't' arlévée!
Fait-i' caud! 
I' faîsait eune arsion en ville à matîn
Lé solé lit ch't' arlévée
Lé solé lit auprès la plyie
Lé solé s'couoche dans l' ouêst
Lé sole a li tout l'jour
Lé solé dé Stembre trompe Madanme
Lé solé est acouo pus êbliouissant lé travèrs du vèrre
Lé solé est blianc, ch'est sîngne dé plyie
lé solé est ieauseux
Lé solé est là driéthe les nues
Lé solé est malade, ch'est sîngne dé plyie
Lé solé n'sé dêcliathée pas vite à matîn
Lé solé vouos êbliouit; il est fort
lé solé vouos êgalue
I' fait bieau solé
Né v'là eune caleu tchi vouos abat
Né v'là l'solé tchi s'dêhale
I' s'en va faithe bé demain
I' tchait d'la plyie
J' avons ieu eune dêtchèrque dg'ieau la niet pâssée
J'avons ieu eune sémaine dé mucreu
I' brousse
Un abat dg'ieau
Eune achie d'plyie
un baûtchet d'pendu
il en bouoillonne
deux brîns d'plyie
deux d'gouts d'plyie
brinnoter
d'la brousse
d'la brousse Êcôssaise
Eune bouonne broussée
du broussîn
eune cliapée dg'ieau
Eune cliaque dg'ieau
Lé temps est comprîns
eune cotonnée d'plyie
eune cotonnée dg'ieau
eune cottée dg'ieau
eune suée dg'ieau
du crachîn
i' crachinne
Lé temps s'dêchithe
Eune dêcliaque dg'ieau
il en a tchée eune dêcliaque
il en dêtchèrque
eune dêtchèrque
dêcliatchi
eune dêcliatchie dg'ieau
eune tchèrtinne dé plyie
d'la plyie à finne vèrse
gouttinner
Lé temps est mucre
d'la pliote
Un raclia dg'ieau
eune racliatchie
eune ravinne
D'la salope
eune saûssée
eune scouâle dé plyie
eune scouâle dé brousse
un scouâlot
eune vâcotinne
Un d'luge dé plyie
i' g'luge dé plyie
Ch'est du temps mucre aniet
d'la plyie d'affra
d'la plyie tchi racliaque la tèrre
Des appias au solé, ch'est sîngne dé plyie
Des brinnots d'plyie
Deux jours dé grands vents et plyie et dragons
Ch'n'est pon un gouttîn d'plyie tchi s'en va nouos fondre
Ch'n'est qu'varvot partout; en a-t-i' tchée, d'la plyie!
Ch'tait d'la plyie bein fournie tch'a tchée la niet pâssée
Eune sale arlévée d'plyie
i' dait tchaie d'la plyie par là-bas; l'temps est nièr
i' dgluge dé plyie
En génétha nou-s-a d'la plyie des vents d'ava
i' r'tchait d'la plyie
I' tchait d'la plyie à bouqu'tées
I' tchait d'la plyie à vèrse
i' tchiyait d'la plyie d'affra
i' tchiyait d'la plyie m'nu comme grile
i' tchiyait d'la plyie à tare-larigot
i' tchèrra d'la plyie
La plyie chasse par autcheune pétite craque quand i' vente
La plyie d'févri est l'sang d'la tèrre
La plyie d'ôrage a apliati tout dans man gardîn
La plyie n'a pas cêssi d'journée
La plyie n'est pon à r'douter anniet
La plyie n'm'empêche pon d'sorti
la plyie nouos a surprîns
La plyie s'en va rabattre la fraid
La plyie tchait d'bouôn tchoeu
Chu gouttîn d'plyie-là n'a pon ieu grand êffet, ché n'tait pon assez
Il avait tchée un bouôn gouttîn d'plyie, mais les vents d'amont ont r'supé toute la mucreu du haut d'la tèrre
Il est grand temps qu'j'ayons du sé, auprès toute chutte plyie-là
J'allons aver eune sécouée d'plyie, j'crai
La grande plyie a trébutchi l'bel
Les cos chantent dé la plyie
La nièrcheu du ciel annonce d'la plyie
Né v'là l'âne tchi brait, ch'est sîngne dé plyie
J'avons eune daussée d'plyie, j'crai
Mouoilli par aver 'té souos la plyie
Lé ciel est ieauseux
Nou dit qu'en temps d's'crèche la tèrre né crie pon à la plyie
l'affaithe s'en va s'touônner en plyie
Ouïy'-ous l'âne? Oulle en fait, des hîn-hans! Ch'est sîngne dé plyie
Piêsse-t-i' tchaie d'la plyie
Plyie bouoillonnée est dé longue duthée
Y'a eune mucreu dans l'atmosphéthe
Y'a eune mucreu dans l'temps
Quand l'solé est charmé ch'est sîngne dé plyie
Quand l'solé pâsse dans l'ieau ch'est sîngne dé plyie
Quand nou ouait les raînottes, ch'est sîngne dé plyie
Quand Nièr Mont met san bonnet ch'est sîngne dé plyie
L'vent a tchée à ces sé
I' vente eune dgêle
I' vente eune bouonne brise
I' vente dû
I' vente la pé du dgiâbl'ye à ces sé
I' n'y'a pon eune aube dé vent aniet
Ch'est seux qu'j'avons d'la plyie; êcoutez l'vent
L'vent a tchée à ces sé
L'vent sûffl'ye à la plyie
Du temps à êcôner un boeu
Lé vent a eune barbe, à matîn
Lé vent a haûchi
Lé vent a supé toute la mucreu du haut d'la tèrre
Lé vent bueûle à la plyie
Lé vent d'nord-vouêt est souvent un ravageux au r'nouvé
Lé vent d'êst-là vouos scie
Lé vent des soûffliets d'forge
lé vent en' 'tait pouor tchiquechose
Lé vent est au Nord
Lé vent est du Vouêt, achteu
Lé vent est favorabl'ye pouor qué j'ayons d'la plyie
Lé vent est seur-vouêt - jé crai qu' j'éthons d'la plyie
Lé vent est à la plyie
Lé vent hale au Nord
Lé vent hale Nord
Lé vent pique
lé vent r'a supé tout
Lé vent rabat la feunmée dans l'bel
Lé vent s'en va cachi la plyie
Lé vent s'engoulême là et il y fait eune fichue fraid
Lé vent s'est d'valé
Lé vent touônnyie dans un gardîn emmuthailli
Lé vent vouos soûffl'ye amont la route
Quand l'vent est contraithe i' faut lôvier
Quand l'vent est Nord, lé paîsson n'prend pas l'ain
Quand vents d'ava s'en vont d'amont et r'tchaient d'ava dé siette, ch'est r'prînse dé mauvais temps
J'n'aime pas la vent'tie, j'aime bein un temps calme
J'avons eune chasse dé vent, j'crai; y'a des crîngnaches
J'avons eune dgêle du nord-vouêt
J'avons d'la bliâse
I' y'a un hâsîn à matîn.
Lé temps est bliâseux
Il est poussif; chu temps-chîn bliâseux n'lî va pon
Lé ciel embliâsé
Tchi temps touos les jours - bliâse et môtuthe - les avoûts s'en vont hâter
Y'a un hathîn à matîn; mais j'avons bé, j'crai
I' tchait d'la né
La né a drivé
I' tchait d'la né fondue
i' r'tchait d'la né
i' tchait d'la né, mais ch'n'est qu'du poudrîn
I' tchèrra d'la né
I' tchait d'la grile
I' fait d'l'ôrage
La foudre a tchée la niet pâssée
Chu temps-chîn ôrageux vouos alouothinne-t-i'!
cliungi comme eune cannotte dans un temps d'ôrage
cliungi comme eune cannotte tchi sent l'ôrage
Tchi tempête - I' faut deux à t'nîn iun d'but
J'avons mîns nouot' grain en binnots justément en temps, d'vant l'ôrage
J'en ai attrapé, eune vâcotinne; et d'la plyie d'ôrage
L'temps est doux; ch'est les calmioles dé Noué
L'temps est hacheux aniet, auve ches fichus vents d'amont-là
L'temps est mithabl'ye, ch'est sîngne dé plyie
L'temps est miyeu à ch't heu
L'temps est mîngnon aniet, est-che pon
L'temps est mîngnon, à ces sé
L'temps est êpais
l'temps n'a pon sèrvi dreinement
L'temps n'est pon bein encouothageant acouo à matîn
L'temps pathaît s'dissiper un mio
L'temps pathaît vouler s'brouoilli
L'temps pathaît vouler s'êpanni à ch't heu
L'temps r'pathaît pus bé
l'temps s'clièrgit auprès la plyie
L'temps s'empêque
l'temps s'endeignit
L'temps s'engraîsse, pouor dé la plyie
l'temps s'engrégit
L'temps s'est rêpaîssi né v'là un p'tit brîn
l'temps s'nièrchit
L'temps s'èrempêque dans l'Sud
L'temps s'êcoute, à matîn
L'temps s'êpaîssit
l'temps 'tait gris
Lé temps a 'té mucre en Dgèrnésy
L'temps est mo
La mé est calme à ces sé
Lé temps est pouffre; j'ethons d'l'ôrage
Lé temps s'couvre
Lé temps s'clièrgit
Lé temps est couvèrt/bas
J'avons du temps péthissabl'ye
Lé temps n'a pon la minne dé vouler changi
Lé temps s'gâte
Tchi bieau temps!
Lé temps m'niche à la plyie
Du brîngeais d'Avri est sîngne dé rude temps
du mêchant temps
Du temps cru
Du temps d'avri - eune achie d'plyie et ieune dé solé
Du temps d'pendard
Du temps d'pouque
Du temps nobl'ye
Du temps tchi hale
Ch'est du temps corrompant
ch'est du temps à pîssi par-dédans
eune èrprînse dé mauvais temps
Lé temps broussinneux du mais d'mai
Lé temps est affilé à ces sé
lé temps est bein ès môtuthes
Lé temps est bouchi
Lé temps est brûlant aniet, tchille arsion
Lé temps est chagrinné
Lé temps est chèrgi
Lé temps est cliai comme un vèrre
Lé temps est douoilli
Lé temps est dêréglié
Lé temps est dû au mais d'févri, d'amors
lé temps est en ôrage
Lé temps est ennyant quand nou-s-est à attendre
Lé temps est maigre, dé ches vents-là, et la tèrre fouâteunme
Lé temps est mucre
lé temps est né
Lé temps est né comme dé l'encre
Lé temps est rêmué, chutte fais
lé temps est scêllant
Lé temps est sus la plyie
Lé temps est sus les plyies
lé temps est trantchile
Lé temps est vif
Lé temps est à la môtuthe
Lé temps est à mithage
Lé temps file
lé temps m'niche à l'ôrage
lé temps m'niche à la plyie
Lé temps n'est pas à mithage
Lé temps n'sait pon s'i' dait rithe ou plieuther
Lé temps pathaît promettre d'la plyie
Lé temps pathaît vouler s'chèrgi dans l'ouêst
Lé temps s'affile à la geloqu'sie
Lé temps s'amende
Lé temps s'braiche; j'éthons d'la plyie
Lé temps s'caillotte, pûtôt
Lé temps s'clièrgit dans l'amont
Lé temps s'clièrgit dans l'ava
Lé temps s'en va-t-i' s'comporter tout l'jour, jé n'sai
lé temps s'est douoilli
Lé temps s'est hardi accalmi d'pis à matîn
lé temps s'est molli
Lé temps s'féthe, dépis dînner
Lé temps s'pâsse; y'a trente ans aniet
Lé temps s'ramende
Lé temps s'rêmeue
lé temps s'troubl'ye
Lé temps sé stembrit
Lé temps s'en va s'rompre
Lé temps s'est radouochi
Lé temps éthait bein la minne dé vouler s'cailli
Tant duthe lé temps, tant duthe la fête, Et pis, à Dgi l'saint
Tchi maûdit temps
Tchi sale temps! Véthe, la journée n'étha pon 'té dé deux pièches
Tchi sale temps! Véthe, la journée n'étha pon 'té dé deux sortes
Né v'là l'temps souos san bel habit
Né v'là l'temps tchi ramende
i' n'faut pon s'dêboutonner d'chu temps-lo
Nou n'mettrait pon un tchian d'houors, du temps tch'i' fait
un temps hôrribl'ye
lé dgèrnissement d'mauvais temps
Lé bouonhomme est mârri - j'avons d'la plyie. Lé bouonhomme est dêmârri - l'temps s'ramende
Y'a eune pôssibilité qué l'temps s'en va changi
ch'est chance tch'i' faiche bé ch't' arlévée - quand nou pense au fichu temps qu'j'avons ieu à matîn
Ches bouais-là sont-i' dgèrriés du temps,
Pagâyi contre l'mauvais temps
Pagâyi contre l'temps
I' y'a un clièrgeon dans l'êst
J'allons aver un r'dû, j'crai
Faut êt' battus d'bieau temps quand nou-s-est à affaîter eune maîson
i' gèle dû
I' gèle à ces sé - man lînge est tout créti à l'êtente
I' gèle à ces sé - man lînge est tout crétilli à l'êtente
I' gèle à pièrre fendre - i' né f'thait pon bé à dgêper sus Coupe Adam
I' gèle à pièrre fendre, ch'est mauvais temps pouor les cheins tchi n'ont ni vrai ni bûches dans lus côniéthes
i' gèle; lé lînge a dêjà raidi sus l'êtente
D'l'aube gélée d'vant Noué nouos amène d'la plyie
D'l'aube gélée en d'cours, d'la plyie souos trais jours
D'l'aube-gélée d'vant Noué, ch'est d'la plyie toute pathée
Il avait tchée d'la plyie, et quand vînt l'sé i' s'mînt à g'ler d'un assaut
Auprès la plyie qu'j'avons ieu et les vents d'amont par-dessus, ch'est qu'la tèrre s'en va s'endueurchi
Auve lé temps lé c'mîn s'dêgrade, et faut l'èrpather
Av'-ous janmais veu un cat d'âtre, à rester en d'dans d'chu bieau temps à la pliaiche dé dêhaler et rêmuer à s'êcaûffer
D'en par-'chîn j'n'avons pon 'couo ieu trop mauvais temps ch't hivé
i' tchait d'la rôsée
eune forte rôsée annonce du bieau temps
Eune rêclièrgie dans l'temps, dans l'Ouêst
I' tchèrra du vèrglias
I' tchèrra ofûche d'la grile à ces sé
Il a fait si mauvais temps qué j'n'avons peu aller vaie à nouos cliavieaux
j'allons aver d'la plyie à la tchête du vent
j'allons aver du rude, nou ouait les corlieurs
J'n'ai pon peu mettre man lînge à s'tchi né v'là eune sémaine dépis l'lavage, à cause du temps; il est fichu d'gouêmi
J'pensais à matîn, mé, qué j'éthêmes du bieau temps
J'sommes battus d'bieau temps, aniet
L'affaithe s'affile; j'éthons bein d'l'aube gélée d'main au matîn
La leune s'en va clièrgi l'temps
Lé clièrgissement du temps
Les St. Jeanais disent, quand il' entendent la mé chanter dans les galots à La Salinne, que ch'est l'Pèrrotchet, qué nou-s-entend l'Pèrrotchet et qu'ch'est sîngne dé bieau temps
Lé ciel est bragi; l'temps est en changeant
Lé filin cottit s'il est laîssi à l'înjuthe du temps
Lé fé rouit à l'înjuthe du temps
Lé r'lent du temps
L'temps pathaît vouler s'rêclièrgi, j'crai
Mettez-lé à l'abri, car v'là tchi dangèle s'i' veint d'mauvais temps
Nou dit qué quand nou ouait la mé dans eune vlique, en l'appraichant à l'ouothelle, ch'est sîngne dé mauvais temps
Nou sent la fraîcheu à ces sé; lé temps s'est stembri
Nou s'en va halîtrer, d'chu temps-lo; tchi vents d'êst touos les jours!
Nou-s-est crétis, d'chu temps-chîn
Né v'là du bé, à matîn
Né v'là du temps mouêtre, à matîn
Né v'là la veue d'Cart'ret tchi daoube; ch'est sîngne dé mauvais temps
Poudre d'Mar et plyie d'Avri, font grange et grainyi remplyi
Prend garde, ma tante, dé n't'enrhînmer pon, d'chu temps-lo
Quand l'temps s'couvre et est bein laid auve dé gros nouages au mais d'août, ôrageux, nou dit - ch'n'est qu' des minnes d'avoût
Quand les caûques-souothis sont dêhalées au sé ch'est sîngne dé bieau temps l'lendemain
Quand nou ouait la mé ès Pièrres dé Lé ch'est sîngne dé bieau temps, ch'est un bouôn mèr
R'gardez l'temps; i' s'en va y'en dêtchèrtchi, si jé n'mé trompe
T'èrconnais-tu entouor l'astrologie, té - tchi temps qu'j'avons, don
Tchi temps - au prix d'hièr
Tout est mouêtre; et l'temps est mo
Tout est si r'lent, d'chu temps-chîn
Un charme d'solé est un coup d'temps tout fait
Un mînséthabl'ye temps: d'la brousse à vèrse tout l'jour
Y'a du brébion; ch'est sîngne dé bieau temps
Y'a eune fraîcheu dans l'air
y'a eune graîssinn'nie dans l'temps
Y'a un air dans l'temps
y'a un graîssîn dans l'temps
Y'a un haînu, dans l'temps
Y'a un p'tit air dans l'temps
Viyiz étout: