Janvi couvre la tèr' dé nè èt d'frètdûre,
Qu'engréfél' jusqu'au d'dans.
Févri n'fèt pas œune pus béle fidgûre
Ov' sés vents d'Nord copants.
Mars, dé sés boufèes, crie à la Natûre :
'Rlév'-tai; salue l'Printemps!
Avri êcalop', dé sés douoches brousèes,
Lé bouton dut frumè.
Mè fèt couvri dé flieurs lés monts, lés valèes,
Et remplyis l'tchœu d'dgaîtè!
Juin fèt blianchi lés fains, èt dans nos contrèes
I ramène l'Etè.
Juilèt meûrît lés fruits èt fèt jeauni lé grain,
Qué l'bouan Dghieu nos donne.
Août, dé sés caleurs, fèt qu'l' Avou vite vain,
Et châtchun mouosonne.
Sèptembre, d' san vent, brûl' lés fiéles; nou vait bain
Qu'i crie à I'Automne.
Octobre vain êcoué lés pouôr's fiéles breunies,
Qui tchaient bas sans pouvé . . . .
Novembre nos môtre par sés frèd's plyies
Chain qui va arivé.
Décembre ênaque la tère èt lés bouais'ies,
Et ramène l'Hivé.
J. D.
|
