Printemps

Au Printemps tout sé ravigotte,
Les flieurs s'êpanissent dé jour en jour,
Des p'tits ouaîsieaux n'ou ouait la note,
Et, coumme y'ieux jeunnesse s'ent'fait l'amour.

L'Êté

L'Êté est v'nu, et garçons et fillyiettes,
Quand la lune est plienne, et qu'y fait clyai,
Font des touônèes sus lus bicyclettes,
Et p'tre bein l'amour... tch'est qu'jen sait!

L'Autonne

Les jours raccourchent... l'Autonne arrive,
Chàque bouais a bétôt perdu sa fielle;
Mais, dites-mé don... tchiq' chose dèsrive, -
Tch'est qui chagrinne unn' chière hardelle?

L'Hivé

Ah, l'hivé est là... temps de fraidure..
Et la fillyiette sé dit en plyieurnichant:
"L'amour est doux... quand 'y qu'y dure,
"Mais ouéqu'est l'Êté... et man galant?"

J.P.