Les poëtes pâlent
Du blianc lincheu;
Mais ch'en est yun
Sans grand' chaleu...
S'i n'en avaient
Pas d'autres la nièt
J'cré qui gèle'laient
Ses bu' dans l'lièt.

Les poëtes vantent
Les balles de nè...
Mais s'i pouvaient,
Quand il a g'lè,
En r'chever yunne
En plein dans l'yi
Et yunne dans l'co,
En rithaient-i?

Jé l'savons, nous,
Qu'i n'y fait nu
Quand la nè vole
Et qu'i gèle du...
Rèvèz, poëtes,
Auprès d'vot feu
Ov' un bouan p'tit
Verre de litcheu!!

Elie