|
Si tu'as oublyiè tan parapluie En faisant ribotte a Grouville, A tchi la faute, dis-m'lé, Elie, Si tu'as oublyiè tan parapluie? En bouan Jerriais faisant tes récits, Tu t'fichais bein dé brousse ou d'grille, Et tu'as oublyiè tan parapluie En faisant ribotte a Grouville! Lé r'verrâs-tu, tan parapluie? En' tait-che yieun dé souaie ou dé cotton? Dame! s'il' tait neu', il a fait envie A tchiq' Grouvilliais, tan parapluie! Tu'as biaû l'cherchi, ma fé, j'parie Qué l'chein qui l'print lé trouvit bon, Et n'sé gênit pon si tan parapluie Etait cou'ert en souaie ou en cotton!... JP 1907 |
Viyiz étout: