Quand je m'rêvillyi hier au matin,
La terre 'tait blianche et cou'erte de né.
Je m'en fus vite dans not' gardin
Et auve man frèthe je m'mins à jouer.
Je n'resti pon longtemps dêhors
Car j'tais trempée et j'avais fraid;
Je trembliotais tout l'long du corps,
J'avais l'onglyi ès pids et dés!
Les p'tits ouaithieaux 'taient minséthablyes
Et sus la né 'taient agrouffiés.
J'lus mins du mangi sus la tablye
Pour tâchi de les rassasier.
Hèlas, i' faisait eune fraid d'tchian!
Et j'tais r'mèrciante d'être par dédans:
J'aime bein la né sus un portrait
Et sustout sus eune carte de Noué!
F. M. H.
| 