Les Pages Jèrriaises

La Bouonne Nouvelle s'lon Luc

Chapitre 2, vèrsets 25-33

Seigneur, Tu laîsse achteu Tan sèrveux s'n aller en paix s'lon Ta pathole Et y'avait à chu temps-là à Jérusalem un houmme tch'avait nom Siméon, et i' 'tait un houmme recta tch'honorait Dgieu et attendait lé r'confort d'Israël, et l'Saint Esprit 'tait auve li.

Et i' savait, par l'Saint Esprit, qu'i' n'mouothithait pon avant d'vaie l'Christ dé Dgieu.

Et, remplyi d'l'Esprit, i' vînt au Templ'ye; et quand les pathents entrîtent auve l'êfant Jésû à seule fîn d'faithe auve li chein tchi 'tait c'mandé par la louai,

Pis i' l'prînt à sa brachie et louangit Dgieu et dit:

Seigneur, Tu laîsse achteu Tan sèrveux s'n aller en paix s'lon Ta pathole,

Car mes ièrs ont veu Tan salut,

Létché Tu'as prépathé d'vant la fache dé touos les peupl'yes;

La leunmiéthe à êcliaithi les nâtions, et la glouaithe dé Tan peupl'ye d'Israël.

Et san péthe et sa méthe fûtent êmèrvilyis par chein qu'nou dithait entouor li.


 

Vèrsets 29-32

"Achteu j'pouôrrai mouothi heutheux; ch'est en tchi j'l'ai veu coumme tu m'l'as dit. Mes ièrs ont veu l'Saûveux du monde qué tu'as envyé pouor touos les gens. Sa leunmiéthe litha sus touos les païens et i' s'sa la glouaithe d'Israël."

 

Viyiz étout:

 

Les Pages Jèrriaises