Et i' lus prêchit ainchîn chutte pathabole-chîn: "Létché d'vous tch'avait eune chentaine dé brébis, s'il en pèrdait ieune, né laîss'sait pon driéthe les nénante-neu dans lé d'sèrt à seule fîn d'aller qu'si l'êdgéthée jusqu'à ch'qu'i' la trouv'thait? Et quand i' l'éthait r'trouvé, i' la portéthait à haute dgèrre et dans un guédon d'jouaie. Quand i' r'tait siez li, il enviêthait qu'si ses anmîns et vaîthîns et lus dithait, "Rêjouiss'-ous acanté mé car j'r'ai ma brébis êdgéthée."