Les Pages Jèrriaises

La Bouonne Nouvelle s'lon Saint Luc, chapitre 24, vèrsets 36-43

 

Et coumme i' 'taient à pâler entouor ches choses-chîn, Jésû li-même fut parmi ieux et lus dît, "La paix sait auve vous."

Êffrités et êpeûthés, i' criyaient qu'i' viyaient un r'vénant.

Bein, i' lus dît, "Pouortchi qu'ous êtes troubliés? Pouortchi qu'ous avez des doutes ès tchoeurs?

Viyiz mes mains et mes pids. Véthe-dgia, ch'est mé! Touchez-mé et asseûth'-ous, car un r'vénant n'a pon d'chai ni d'os coumme ou viyiz qu'j'ai."

Et ayant dit chenna, i' lus mouontrit ses mains et ses pids.

Dans lus jouaie i' 'taient êtourdis et n'criyaient pon acouo, et don i' lus dît, "Av'-ous dé tchi à mangi?"

Et i' lî donnîtent un mio d'paîsson rôti et du paûmé d'myi.

Et l's ayant prîns, i' mangit.

 

Viyiz étout:

 

Les Pages Jèrriaises