Y'a bein des gens tch'ont êprouvé d'êcrithe l'histouaithe dé tout ch'qui prînt pliaiche entré nous, tout coumme les cheins tchi 'taient les têmoins et sèrveurs d'la pathole d'pis lé c'menchement nos l'avaient raconté.

Et mé étout, viyant qué j'ai souongneusement êtudié toutes ches choses-chîn d'pis lé c'menchement, j'ai creu qué ché s'sait bein d'êcrithe eune histouaithe en bouan ordre pouor vous, vot' excellence, à seule fîn qu'ous piêssiez connaître la véthité dé chein qu'ous avez apprîns.