|
Des pièches et des bouais dans la rue à êtendre et châtchi lus bras, aveindre l'heuthe dé r'aver r'chu les foutaises, lé r'êffet d'clyînclias d'alarmes ouïes pus tôt dans la niet, d's échos et cos contre la muthâle, la veue paûtrîndgie par les dés tchi ramémouaithent ches heuthes tch'y d'valent quand douochement fis d'âme né sauvit atout des dés en dés d'tchitch'un, ès bârricades, des mains châtchies, ou mains gângnantes nièrchies au run. Des nouages soufrés au bord dé l'ieau sont à tuer les vivants au dou, des corps nyés, armés ès batchieaux, rêvent ès armes à m'nichi atout. La trembliot'tie par sus l'solé d'lus bras tchi font l'salut rouoya, lus mains l'avant pouor êt' armées, împâcientes pouor l'ombre tchi bînd'da. Les bras ès soudards en blianc-fé et mains d'songe-mitaines et d'corsos sîngnalent qué ch'est l'heuthe dé stèrter la douoche divis'sie par zéro. Roger Roughton Vèrsion Jèrriaise dé Geraint Jennings
|
Viyiz étout: