|
Oulle est grée pouor êt' rouôlée ava les d'grés d'eune montée, pliaichie souos un chapé coupabl'ye, ou néglyigeamment lâtchie dans un bostchot parmi l's êcritouaithes des hoummes d'êtat têtouongnes. Coumme ou droûle sus la montée tapissie ou s'aniche trantchilement dans san nid noué d'fi d'fé, ou c'menche à s'dêplier, eune flieur êchiqu'lée dé tchi les pétales meûthies brûlent et franguent... San partèrre dé papel'lie s'enfliambe, lé chapé est venté d'san cro. Chînq ou siêx faches sont d'un co, à tréjous changies... Y'étha hardi d'poésies êcrites dans la forme d'eune grénade - un mio d'méta dueurchi à s'envoler pouôrrait même renvèrtchi un gouvèrnément. John Haines (1924-2011) Vèrsion Jèrriaise dé Geraint Jennings |
Viyiz étout: