|
Lé docteu d'mandit s'i' rêvait, couochi la niet, s'pâlait ou bein à d'aut' parfais sans saver chein qu'i' dîthait? 'Tait-i' ligi coumme un ouothilyi. Et coumme i' rêvait, s'i' rêvait (i' dit pus tard qu'il en avait) viyait-i' des gens connus, faîthait d'tchi qu'i' voulait vraînment, mais criyait mauvais? Ou înventait-i' des nouvieaux affits, d'la nouvelle brélue, faîthait coumme s'i' 'tait un viageux hors pays, à l'êtrangi parmi des horsains. San monde 'tait-i' l'chein la niet qu'i' connaîssait d'jour? Savait-i' tchi sorte dé pensées tchi l'avaient vengi? Jé n'm'en souveins pon, qu'i' dit, mais j'sis bein. Nicholas Moore (1918 - 1986) Vèrsion Jèrriaise dé Geraint Jennings |
Viyiz étout: