|
L's ouaîthieaux d'blianc-fé j'n'en mangeons pon. Jé jouons auve ieux i' n'nouos couôtent rein l's ouaîthieaux d'blianc-fé meunicipa i' volent, i' fliottent i' nos ail'tonnent dé bein au liain i' d'valent à bas parfaitement pliats des médales dé grandeurs înfinnies sus la susfache d'la mé. Y'en a d'divèrséments grands y'en a d'siêx pids d'haut y'en a qu'tu peux tcheindre y'en a qu'tu peux engaûmer y'en a tchi drissent entre tes dés et y'a d's ouaîthieaux bein p'tits mîncroscopiques en vaine j'lus pâlons en vaine j'les hêlons ou les prions d'lus ouvri l's ailes. Charles Madge (1912-1996) Vèrsion Jèrriaise dé Geraint Jennings |
Viyiz étout: