|
Houmme, si j'ai dit eune fais, "Jé l'sai," ri d'mé, bouôrrèle dans ma bouoche mârrie tan ri d'èrgret et d'fôlyie. L'houmme est eune pièrre. Les lèvres mannyient l'amour; j'ai-t-i' dit eune fais, "J'aime"? J'dis un mot. Quand les mains m'dîtent qu'i' 'taient l'amour, j'sangnis et j'fus bé. L'houmme est un couté. Quand j'dis du sang, j'dis qué j'sangnis. L'houmme n'est-i' pon pus qué l'ma. Pâlez, pliaies. L'couté n'tcheint pouor mé autchun sang qué l'mein - quand j'dis qué j'pouôrrais souhaiter pus qu'té, Mort, j'tais à rêvachi qu'j'avais mouothi. La cranne d'l'année tchi veint m'gêne en baîsi, j'sentis mes veines teurtchies d'la langue tchi couothait avaû ieux coumme lé d'si fo d'man monde; man soûffl'ye craque endormi, l'temps mange ma graisse, d's anmîns droquent, mes bouoches manquent, jé borde à mort. Les mains d'l'houmme 'taient des souhaits, mes bouonnefemmes toutes en fé, la mort m'ombre coumme un sâbre, et j'sis à embraichi - j'sue à ma mé coumme un fliot; bliues, bliues 'taient toutes les îles dé man dormi, jé m'rêvil'ye, j'vai - j'vis, couochi en mouothant, chutte mé sans pliaie. Randall Jarrell (1914-1965) Vèrsion Jèrriaise dé Geraint Jennings |
Viyiz étout: