|
Nou-s'est à vatonner les vautours, la lettre annonŷnme vînt d'Machinne-chouette; lé chinneux tchi t'vendit la jouette dangétheuse: i' savait bein s'y mett'. Veurs-tu dév'nîn un Crînme sans Rêsolution, d'la pendrie à la frouque dans iun des pars? Tu plieuth'thais pouor lé seux, ouaithe qu'i' té tcheinge la main, Marx lé pendard. Crouaîs'sas-tu tan d'si et tan tchoeu, libéthé conv'nabliément grand? Les fûsis qu'i' r'fusent né sont pon à tan goût, nitout l'gaz dé l'enchens. Ôse-tu d'mander eune arme et faithe sîngne sus la lîngne? Souveins-té du mal au pouongnet quand tu l'bûchis. Stén'nais-tu l'air mucre dans la fôsse ou dé t'couochi sans êt' baîsi? Des pliantes mang'rêsses d'hommes ont crû dé d'dans l'bain, les tchuyaux sont d'pèrchi partout; Peux-tu app'ler qu'si l'plionmi pouor aîdgi, atout sa rouoge fossile dêmâtée étout? Roger Roughton (1916-1941) Vèrsion Jèrriaise dé Geraint Jennings |
Viyiz étout: