|
Pus douoche qué des suthes poummes chai ès hardgieaux la sausse dé l'ieau saûmate pèrchit man corps en m'nettissant du fout-bas, du vômi en brîngeant hors l'ancre dans l'boulais et d'pis j'ai 'té à m'bangner dans la poésie d'la mé mystique tchi dêgôle d'lait, d'êtailes engaûmant d's andains d'vèrt azur et en r'gardant l'ouaîrage, les morts, à fliotter par mé, tchi teint tout l'bliu, les fliambes folâtres et rhythmes ravaûdants du solé, pus forts qué d'l'alcool, et pus grands qu'eune chanson d'amour amièrti, rouogi, fèrmenté j'ai veu des cieux cratchis d'leunmiéthe, et d'niet, d'èrsîn, d'couothants, d'touôthâles mathinnes; jé sai tch'est qu'lé sé veurt dithe, des colombes, j'ai veu chein qu'd'aut' hoummes tchiquefais ont creu qu'il ont veu. Ted Berrigan (1934-1983) Vèrsion Jèrriaise dé Geraint Jennings |
Viyiz étout: