|
J't'ai dit qu'i' y'a un ri dans châque carre et un porte-billes stoffé d'rouôlots d'pé pouor payi les dettes ès constipés pouor acater eune neuve pipe pouor lé tchian pouor envyer l'conmité enfoui eune pièrre. J't'ai dit tout chennechîn mais sai-tu qué D'main l'diseux d'chance dînn'na sus san crista D'main nou-s'êcritha RÉVOLTE en g'veux humains D'main l'pouais au pendard sé nouêtha en eune bliouque D'main la grîmp'rêsse dé Vréginne êtrangliétha les prêtres D'main l'têmouain catouôl'la l'juge D'main nou trouv'tha chutte page-chîn dans eune bielle D'main l's amouotheurs rêponn'nont au palais D'main Karl Marx déval'la dans un ballon d'feu D'main la pathole qué tu pèrdis t'învit'tas siez lyi D'main la vièrge tchèrra ava un pits glorifié D'main nou-s'êtrueûl'la les nouvelles en du pâlîn D'main la belle fil'ye y s'sa D'main un nouage siêtha les bantchièrs D'main un mousse èrbâptîs'sa not' Jèrri coumme JÈRRI D'main un bouais craîtra en eune main Véthe êcoute D'main les clioches sonn'nont coumme des vouaix D'main un train s'arrout'ta pouor lé ciel Gâzettes du pays ch'est d'l'èrpublier Roger Roughton Vèrsion Jèrriaise dé Geraint Jennings
|
Viyiz étout: