Né v'chîn Saint Valentîn - mo, meux et mucre - Muchant la pâssion dans eune bliâse dé mots, Chuchant les côtils: bliancs coumme est lé chucre, Doux coumme du myi et miyeurs qu'du sitho. Né v'chîn Saint Valentîn - mucre, mo et meux - Nos embrachant d'eune bliâse bèrcheuse tchi bliêsse, Enfliubant dans san ouadinne d'amouotheux Tes seins, mes mains, ta bouoche, mes tchiêsses, tes fêsses. Né v'chîn Saint Valentîn - meux, mucre et mo - Nos drodgant auve san pur blianc candyfloss Et bandageant nos bliêsseûthes et nos clios: Not' dgéthîthon, not' méd'cinne et not' nosse.   Geraint Jennings Févri 2003