Les Pages Jèrriaises

Un Valentîn

La Saint Valentîn

Veins, gouôte-mé, lique-mé coumme eune gliaiche;
Jé s'sai tan chuchot, tan chucrîn.
Et si, en m'chuchant, tu m'embraiche,
Jé s'sai ta bouochie d'Valentîn.

S'tu m'avale, j'driss'sai dans tan ventre,
Là où'est qu'i' m'pliaît, près dé tan tchoeu,
Et pis, digéthé, mé v'là tch'entre
Dans châtchun dé tes carres et creux.

Pus crémeux qu'tout dans la lait'tie,
Pus doux qu'deux-trais mouochetées d'mouaithes meûses;
Un frit juseux dé tchi l'baîsi
Reste acouo sus tes lèvres cliuteuses.

Jé s'sai pus riche qu'un chocolat
Dé tchi qu'nou-s'adouothe l'èrtunfîn.
Don, mâche-mé en m'dithant tout bas:
“Tu'es man fricot, man Valentîn.”

 

Geraint Jennings
14/2/2004

 

Viyiz étout:

 

Les Pages Jèrriaises