|
Eune Valentinne d'amont, eune Valentinne d'ava, eune Valentinne à mé, qu'j'ai à touos l's ars dé vent. Des gouttîns d'sang du tchoeu partoute l'Île tchaient d'affra; eune achie d'Valentinne m'èrveindra au couochant. Jé s'sai taqu'té d'rouoge tchoeurs êtrav'lé sus man liet; la plyie et l'pliaîsi battent; lé vent du d'si m'èrsoûffl'ye; mes rêves veinnent êcarlates sus les lattes dé mînniet; l'amour hâmpechinne et hale d'eune aile au ras d'l'êcoufl'ye. Eune Valentinne en l'air, eune Valentinne à l'ieau, eune Valentinne dé mauves, dé pies-mathannes, dé mêles. Ès mielles j'embraiche ma douoche, ma Valentinne d'à haut; ès fôssés, qu'ou m'embraiche ès pinnes-dé-boeu et veîl'yes. Geraint Jennings
|
Viyiz étout: