Les Pages Jèrriaises

Un Valentîn.

Jé t'aime!

 

O Miss Gruchy,
Ah, chier' Betsi,
J'sis en amour de té:
D'pis avé veu
D'tes yeux le feu,
J'sis coumm enchorchellé.

Duôch' gars'! j'ten prie
Sus me envie
Un r'gard et yi bénin.
Et fais l'bonheur
Du fidèl' queur
De ton tendr' Valentin.

Un' dam' tu s'ras
Dès qu'tu voudras,-
I'n' tient qu'à té pour chla.
Veux-tu m'avé?.......
Fais l'mé savé -
Et d'un cliein tout se fra.

Doux compagnon -
Coumm' un pigeon -
A tes côt's j's'rai tréjous:
Tu s'ras ma belle,
Ma tourterelle -
Et me ton chier p'tit doux.

Je t'r'écrirai
Dès que j'puôrai,
Dans quiq's semain's d'ichin:
Ange! à tes pis
J'brûl' d'être assis!.......
Adieu! -Ton Valentin.

O Miss Gruchy,
Ah, chiéthe Betsi,
J'sis en amour dé té:
D'pis aver veu
D'tes ièrs lé feu,
J'sis coumme enchorchellé.

Douoche garce! j't'en prie
Sus mé envie
Un r'gard et yi bénîn.
Et fais l'bonheu
Du fidèle tchoeu
Dé tan tendre Valentîn.

Eune dame tu s'sas
Dès qu'tu voudras,-
I'n' tient qu'à té pour ch'la.
Veux-tu m'aver?.......
Fais l'mé saver -
Et d'un clyîn tout sé f'tha.

Doux compagnon -
Coumme un pigeon -
A tes côtes j's'sai tréjous:
Tu s'sas ma belle,
Ma tourterelle -
Et mé tan chièr p'tit doux.

Jé t'r'êcrith'thai
Dès qué j'pouorrai,
Dans tchiques sémaines d'ichîn:
Ange! à tes pids
J'brûle d'être assis!.......
Adgi! -Tan Valentîn.

 

(Vèrsion modèrnisée en 2001
pouor les clâsses dans l's êcoles
)

Henry Luce Manuel

 

La Saint Valentîn
 

Viyiz étout:

 

Les Pages Jèrriaises